ravatorano

manodidina ny fanampiana ny traboina !

tena nitondra takaitra mafy ho an'ny mponina teny amin'ny faritra iva tokoa ny fandalovan'ny andro ratsy na cyclone Ivan iny teto Madagasikara .
Ny faritra iva moa no tena voa mafy teto Antananarivo.
Deraina ny filoham-pirenena nitondra ny fanampiana ho an'ireo traboina ireo.Ankasitrahana izany fihetsika izany ary dia mahafaly ny olona tokoa na dia fanampiana hany ho fanampiana ihany aza.
Manarak'izany dia eo amin'ny fizarana ireny fanampiana ireny no maha be menomenona ny traboina ary maro koa ny tsikera manodidina an'izay.
Ny ahy ny mba hany teniko dia ity tsara sy mendrika ny asa soa fanampiana ireny traboina ireny fa tsara kokoa ny nanao vinavinan'asa mialoha mba tsy hisian'ireny fahavoazana ireny.
Raha nozaraina vola be toa ireny ny traboina tsy nety ve raha nanaganana trano tamin'ny toerana hafa tsy akaikin'ny rano na fefiloha ry zareo na ety amin'ny faritra "avo" fa tsy eny amin'ny lazaian fa faritra "iva" eny foana.Raha natambatra ny vola tamin'ireny fanampiana ireny tsy nahavita trano izay tokony ho azy ireo ve izany ?
raha vitan'ilay mpompera ery andralanitra ve tsy ho vitan'ny fanjakana e ! izaho mino fa vita fa mbola tsy any aloha ny "priorité" angamba fa mbola zavatra hafa nefa "aleo misoroka toy izay mitsabo ".

mangina ny andron'ny roa janoary 2008

Andro fiasana anio roa janoary valo sy roa arivo.
Mangina tokoa satria ny olona saika naka fialan tsasatra daholo (saika congé annuel avokoa).
Ny taxi be zany dia tena malalaka ery,ny fitohanan'ny fiara dia ohatran'ny hoe nofy fotsiny fa dia malalaka ny arabe.
Ny fako no mivangongo eraky ny lalana izay aleha na dia efa mandray ny andraikiny aza ny ao amin'ny commune ao.
ny orana koa nanao izay ho afana ka tena nandreraka ilay nivoaka kle fa naleo d nanamafy tao ambovo miaraka amin'ny jus sy ny tsaky ary ny alokaola tsy adino.
Famalalaka wa ny taxi be e!efa mimenomenona sahady ry zalahy hoe ho ratsy indray zao ny kandra fa vitsy ny olona mivezivezy ! nefa tokony izao no fotoana hanamboaran dry zalahy sy hanaovany revision ny fiarany mba hahafanan dry zareo mampiasa azy hampahatoniana bebe kokosa satrai tsara ny manana fiara miasa tsara voatra sy vita vizity tsara koa

tonga soa enao ra 2008

Na dia tao anatin'ny orana mikija aza no niandrasana ity taona vaovao ity dia mino aho fa tso-drano ihany izany ary ho taom-pahombiazana ho antsika mianakavy ra 2008.

Eto dia mirary soa , fahasalamana,fahombiazana ho antsika namana rehetra izay mamaky ity lahatsoratra ity aho.Ho taona Zina ho antsika anie ity taona ity !

Ny mampalahelo dia ny fitomboan'ireo traboina eto antananarivo izay eo ami'ny zato isa isan'andro eo araky ny vaovao navoakan'ireo mpikarakara izany satria niakatra betsaka ny rano ary fefika ny tanana ambany hono izany.
Na izany aza dia tsy mbola atahorana hono ny tena fiakaran'ny rano sady mba tsy avy koa ny orana omaly naraina sy ny tolak'nadro fa mba nanaja ny voalohan'ny taona ny ranonorana ka mba niato kely izy izany e

Izany fahabetsahan'ny orana izany dia vokatr'ilay rivo doza mananontanona an'i madagasikara avy any atsimo andrefana any any akaikin'i belo sur tsiribihina any, avaratra an'i morondava any , soa lahy fa efa aty antananarivo ny tenako fa sahirana raha notratran'izany tany ampanaovana asa tany morondava tany marina moa ouh !

tsara ny mialokaloka !

toy izao izahay rehefa mialokaloka avy namboly hazo !
toy izao koa izany no tombotsoa voalohany azo avy amin'ny fambolena zanakazo raha fihinamboa moa izy dia sady azo ialofan no azo hohanina ny voany !
koa amin'izao fisokafan'ny taom-pambolena zanakazo izao dia tsara ny manentana antsika rehetra mba hanao izany adidy masina ho an'ny tanindrazana izany mba ho maintso mavana indray no tazana eny antsefatsefan-tendrombohitra eny ary mba ho ara-dalana ny rotsak'orana sy ny hafanana fa tena tsy an'erany mihitsy tamin'ity taona ity ,izay vao manomboka ihany ny hafanana

fandalovana tany amin'ny faritra atsimo andrefana iny !

Sendra mba nandalo nanao fitsidihana kely naharitra herinandro tany amin'iny faritra atsimo andrefana iny ny tenako tamin'ity herinandro mifarana ity.
Ny tsapako voalohany indrindra dia ny hafanana satrai vao teo amin'ny fitodiam piaramanidina fotsiny teo Morondava ny tenanay dia efa tera tsemboka be satrai vao maraian dia efa 27°C ny hafanan satrai tamin'ny valo ora maraina aho no tonga tany.Ny atoandro izany moa dia nahatratra 33°C mihitsy, ny tena efa sola ka dia nandaitra tamiko ara bakiteny ilay fitenenana hoe :"hafanana mamaky loha sola".Tsy izaho na ny vahiny tonga mandalo any ihany no mikaikaika amin'izany hafanana izany fa na dia ireo tompotany efa zatra ao aza dia vaky vava mihitsy.Ny anton'izany dia ny fiovana misy eo amin'ny tontolo iainana eran-tany sy indrindra eto amintsika,satria raha teny anabakabaka teny izahay dia nahita doro tanety miitatra be ary ny setroka aterak'ireny no mahatonga ilay antsoina hoe "effet de serre" hany ka mihamafanana ny andro ary dia mitete ny hatsembohana.Ny akanjo anaovana maraina tsy anaovana ny tolak'andro ary hafa koa no entina se hariva ,ny alina moa dia ilaozana ny firakotra ary dia ny rano ao amin'ny douche no tena mifankatia amin'ny tena ! hihihihihih !

Izay ny amin'iny fa ao koa ny fiovan'ny tanana'i Morondava izay hitako fa tena ratsy b ny lalana eo antampo-tanana, ny tsena efa nisy fiovana kely ny fahdiovany fa ny fako no feno mivangongo miandry mpanala na dia efa misy aza ny ezaka atao amin'izany dia mbola tsara raha asiana fiheerena ihany satria toerana sy tanana be vahiny mitsidika any amin'io faritra io.

Tsy ampy koa ny toerana fialam boly ho an'ny tanora izay itovizan'ny tanora malagasy rehetra moa izany ary tsy asiana resaka lava momba izay

ny moron dranomasina dia mbola betska aihany no mihevitra ny torapasika ho toerana fanariana maloto na fivoahana , itovizan ny nosy ste marie araky ny tenin'ny filoha ra8 ilay izy.tongo bakivaky ka mahamenatra.Tsy tahotra tsy henatra fa andro atoandro b nanahary izao dia misy olona sahy mivalana eonefa dia misy ankizy milomano eo amin 'ny faritra manodidina eo !Mila ezaka mafy ny momba an'iny, ef nasiana toerana fivoahana ihany ao antsena ao fa tsy haiko ny mahatonga izany anefa.
Ny fahasimban'ny moro dranomasina moa efa tsy tenenina tsony fa ireo vato be natao fiaro sy ny vy marobe natsangana tamin'iny toeran iny dia efa tena kosa sy potika ary nokaon'ny ranomasina tanteraka ary lasa arafesina sy potika izay manjary manimba ny mason'ny mpitazana ary koa lasa mampatahotra ny mpilona amin'ny loto aterany.

Tany toliary moa dia nandalo indray andro aho no tao ka tsy nahita tanana firy fa asa koa no naleha tany , ny malaza ao dia ny tsy fandriam pahalemana araky ny resaka nifanaovana tamin'ireo namana vitsivitsy tany.

Fa mba tsetsatsetra tsy aritra no ilazako eto ampamaranana fa tena nahafaly ny ankamaroan'ny olona mponina tamin'ireo toerana ireo izay sendra anay ka tafaresaka taminay no nahare fa i Andry TGV no lany ben'ny tanana ao Antananarivo ao ary dia gaga ny tenanay fa na tany Mahabo aza dia misy olona nihoraka mihitsy raha nolazainay fa niova ny ben'ny tananan'antananarivo fa tsy olon'ny tim akory.
Mahagaga anay izany satria ohatran'ny tsy nahataitra an-dry zareo akory ny eo aminy fa ny nahafaly azy dia izay niseho taty antananarivo !