ravatorano

Bacc 2008 tohiny : Mbola mety hisy mpianatra ho afaka bakalorea indray zany raha izao no izy amin'ity taona 2008 ity !

ravatorano | 04 Septambra, 2008 07:47

Bakalôrea eto Antananarivo


Mbola mety hisy mpianatra ho afaka


Mbola mety hiampy indray izany ny isan-jaton’ny mpianatra ho afaka bakalôrea eto amin’ny fari-piadidiam-pampianarana Antananarivo.


Mbola mety hitombo ny isan’ny mpianatra ho afaka bakalôrea eto amin’ny fari-piadidiam-pampianarana Antananarivo. Nanao fanambarana, tao amin’ny RNM sy TVM mantsy ny minisitry ny Fanabeazam-pirenena, omaly. Ny vontoatin’izany dia ny fanapahan-kevitry ny fanjakana hanamarina indray ny naotin’ny mpianatra niatrika bakalôrea farany teo. Tsetsatsetsa tsy aritra no ilazana fa nafonja ny delegasiôna nihazo ny haino aman-jerim-panjakana, omaly, satria nanotrona ny minisitra mpiahy ny minisitry ny Vola sy ny Tetibola, ny minisitra lefitra misahana ny fampianarana ambony, ny minisitry ny Fiarovam-pirenena ary ny minisitry ny Fambolena sy ny Fiompiana ary ny Jono. Midika izany fa raha toa ka nisy naoty nifandiso dia hisy mpianatra ho afaka bakalôrea indray. Nanome toky anefa Rtoa minisitra fa tsy hokitikitihina intsony ireo mpianatra efa afaka.
Tsy mifampatoky ?
Azo antoka fa hahafaly izay mpianatra efa tsy afaka ary ho afaka indray sy ny ray aman-dreniny, indrindra hahababo ny fon’izy ireo izao fanapahan-kevitra noraisin’ny fanjakana. Somary nanaitra ny mpanara-baovao ihany anefa izany, raha tsy hilaza afa-tsy ny eny anivon’ny oniversite, izay nilaza ho tsy nahalala akory ny fanapahan-kevitra raha tsy efa nahare izany tamin’ny haino aman-jerim-panjakana.
Manoloana izany dia manitikitika ny saina ny hoe: tsy mifampatoky ve ny minisitera sy ny oniversite? Efa re siosio ihany mantsy fa nisy mpanara-maso tamin’ireny fotoana nitsarana ny fanadinana ireny.
Amin’ny lafiny iray kosa anefa, noho ny feo maro nandeha mikasika ny fivadibadihan’ny naotin’ny mpianatra dia nandray andraikitra hanazava ny sain’ny maro izany ny minisitera mpiahy.


V.R.

gazetiko

04/09/2008

Hevitra

tsy matotra

saveoursmile | 04/09/2008, 10:53

mba zendana mihitsy aho raha nahare io vaovao io omaly alina. Amin'izay ireo minisitra izay nidina teny naka ireo kopiam-panadinana koa no tsy dia azoko loatra ny nisafidianana azy. Inona moa no ataon'ny minisitry ny jono eny? Hanjono inona?
Raha nisy ihany ny fanahiana, maninona no niandry valiny nivoaka vao nanao izao? Rehefa avy eo dia io andiany 2008 io indray no ho voa satria ho lasa anisan'ireo mpianatra afaka bacc t@ 2008 izay toa tsy nazava loatra ny famoahana ny valiny ... Aiza moa no tsy ihen-danja io diplaoma bacc io.
Fa izay fanadinana rehetra eto Madagasikara ve izany dia asiana fiahiana toa izao foana e?

Re: Bacc 2008 tohiny : Mbola mety hisy mpianatra ho afaka bakalorea indray zany raha izao no izy amin'ity taona 2008 ity !

simp | 04/09/2008, 20:03

ny oniversite bordel/amateur... ny governemanta mbola vao mianatra mitondra, lany andro manao brouillon.

Mitambatra ny lamba sy akanjo :)

Re: Bacc 2008 tohiny : Mbola mety hisy mpianatra ho afaka bakalorea indray zany raha izao no izy amin'ity taona 2008 ity !

ravatorano | 05/09/2008, 04:56

ravatorano

sahirana tokoa ny saina amin'izao toe javatra izao , lasa miroaroa be ny ray aman-drenin'ny mpianatra.Ny ankizy afaka toa tsy te hino hoe sao d mba resaka naoty nifandiso no nahafaka azy, ny tsy afaka moa dia efa betsaka no manatena fa hisy lisitra vaovao fanampiny eo ka enga anie ho ao anatin'izay ihany !
Ny mpiasan'ny oniverstié moa izany dia tsy azo itokisana intsony ary na ny tompon'andraikitra ao aza tsy sahy milaza ny heviny,tsisy fanambarana ataony manoloana izao tranga miseho izao.

Izao zany ilay hoe miandry ampahatoniana !

EXAMEN BACC

ANDREAS | 13/09/2008, 09:21

Mahagaga tokoa ny vao2 misy eto antoerana,ny tsy tsapany fanjakana gasy de ny mason`izao tontolo izao mijery ny zavamisy eto amintsika,aiza moa no tsy hataon`olona tsinotsinona ny diploma gasy,ny mpiasany universite aby tsy atokisana,tiako ny milaza aminareo rehetra fa maro ny ankizy afaka maitrise,dia rehefa tonga any ivelany de ahena bacc+3 noho ny laza ratsy ny rafimpampianarana eto madagascar.zay fa de mirarisoa ny mpianatra vao2 zay mbola ho afaka koa e

Re: Bacc 2008 tohiny : Mbola mety hisy mpianatra ho afaka bakalorea indray zany raha izao no izy amin'ity taona 2008 ity !

DadaRabe | 14/09/2008, 11:46

Ny irariana dia ny hilaminany hahafa-po ny rehetra amim-pahamarinana ary ny tsy hisian'izany intosny amin'ny taona manaraka

 
Accessible and Valid XHTML 1.0 Strict and CSS
Powered by LifeType - Design by BalearWeb