ravatorano

fanafihana eny amin'ny lalampirenena fahafito !

ravatorano | 07 Jolay, 2008 09:17

Mitaintaina izay tsizy ny tena rehefa mandeha amin'iny lalampirenena fahafito iny mianga eto Antananarivo izany ka mipaka hatrany toliara.
Ny tena atahorana aloha dia ny manelanelana an'Ambositra sy Fianarantsoa sady amin 'ireo toerana ireo no tena fanaovan dry ilay tsy vanonana mpandroba ny asa ratsiny.
Vao miainga eo Ambositra ny tena indrindra fa efa hariva sy manomboka maizina ny andro ka hiditra ny alina dia efa indreny fiara maro mifampiandry eny Ivato centre na ao antsimo keliny ao, mifampiandry manao "caravane" ka misy hatramin'ny fiara folo mahery any no indray miaraka ary ao avokoa na ny katikaty izany na ny mazda sy toyota mpitatitra na ny fiara tsotra !Atao ahoana fa mamy ny miaina ary aleo misoroka toy izay mitsabo hoy ny fitenenana.

Amin'ny ankapobeny aloha dia matoa misy ny fanafihina dia efa fantatry ny mpanafika mialoha fa misy azo raisina any , misy olona mitondra vola be avy nivarotra omby na nahavita afera na ...misy vola b any antsikinana e ;mahalana anefa no misy fanafihina ka hoe fandrobana olona entina amin'ny taxi brousse fotsiny ka tsy ahitana fananana betsaka akory.

Na izany aza dia miorikoditra ny mpampiasa iny lalampirenena iny isaky ny mandeha amin'iny ka na misy volabe na tsissy dia manaintaina foana, efa misy zandary ihany eny rehetra eny nefa raha ny eo ambatofitorahana aloha dia tena misy toerana tena kizo be mihitsy ka eo ry zareo matetika no manao ny asa ratsiny , toy izay koa eo ambalamanakana ary dia tsy nataotao foana ny anaran'ireo tanana anakiroa ireo !

 

Hevitra

Re: fanafihana eny amin'ny lalampirenena fahafito !

Mafiady | 07/07/2008, 10:27

Mihabetsaka tokoa ny mpanao ratsy satria mihasarotra ny miaina.

Re: fanafihana eny amin'ny lalampirenena fahafito !

ikalamako | 07/07/2008, 12:26

ka le zandary any amintsika kosa angaha mijanona amin'ny toerana iray fa tsy mba manao mandroso miverina amin'ny lalam-pirenena e ? Mazava ho azy fa ao amin'izay toerana tsisy zandary rizalahy no mamely.
Mitandrema ihany fa ny aina tsy mba misy amidy kah !

Re: fanafihana eny amin'ny lalampirenena fahafito !

ravatorano | 07/07/2008, 13:30

ravatorano

aza mety marina v izany hoe sarotra ny miaina dia manakandalana sisa no azo atao
dia ahoana izany ireo olona marobe hafa sasatry ny miarina amin'ny fiainana raha izany
ry zareo zandary indray efa manao izay tena afany tokoa vokatr'izany dia betsaka tokoa ireo efa voasambotra tamin' ireo nanao fanafihina tamin' ireny lalampirenena ireny fa io toy ny mpanendaka sy mpangaropaosy ihany lasa ny eo mbola misy sahy koa manao an ilay asa ratsy !

Re: fanafihana eny amin'ny lalampirenena fahafito !

simp | 07/07/2008, 21:09

tsy mba azo anaovana coup montE ve zany?
jonoina...
:P

Re: fanafihana eny amin'ny lalampirenena fahafito !

ravatorano | 08/07/2008, 06:48

ravatorano

azo atao tsara ny manjono an-dry zalahy saingy mety hanahirana satria ry ilay tsy vanona ange ka mahasahy mandatsak'aina e !
eo no mahasarotra ny raharaha

 
Accessible and Valid XHTML 1.0 Strict and CSS
Powered by LifeType - Design by BalearWeb