ravatorano

Maro indry ny maty sy naratra tamin 'ilay lozam piafamoivoizana izay nitranga tany Ihorombe Ihosy omaly maraina

ravatorano | 29 Jolay, 2008 05:59

Ihorombe
Mpandeha 10 maty tsy tra-drano

 
Nitrangan-dozam-pifamoivoizana mahatsiravina indray, omaly maraina tamin'ny 6 ora sy sasany, tamin'iny lalam-pirenena fahafito iny. Kamiao lehibe iray mpitatitra legioma no niharan-doza tamin'izany, ka mpandeha 10 no indray namoy ny ainy teo no ho eo. 16 kosa no naratra, nalefa ao amin'ny hopitalin'Ihosy. Ny 12 amin'ireo, raha ny fanazavana azo avy tany an-toerana tamin'ny fifandraisana an-tariby tamin'ny komandin'ny kaompanian'ny zandary ao Ihosy, ny kapiteny Théodule Ranaivoarison, dia tena voa mafy tokoa. Mbola atahorana, araka izany, ny toe-pahasalamany. Ny efatra kosa voalaza fa efa mahatsiaro tena tsara ka tsy misy ahiana intsony.
Tsy mbola fantatra mazava, raha ny fanazavana azo, ny tena antony nahatonga ny loza. Hiaka-piakarana amin'iny an-tampon'Ihorombe iny mantsy ilay fiara, raha avy niala kely ny tetezan'Ikelivondraka, no nisehoan'ny loza. Nivily tampoka izy ary nidona tany amin'ny vodin-tendrombohitra. Dia nivadika nony avy eo.
Legioma nalaina avy tao Fianarantsoa, milanja hatrany amin'ny 10 taonina any anefa no nentiny. Nisy tamin'ny gony, nisy ny tamin'ny garaba, ka ireo no indray nianjera, nanindry an'ireo mpandeha.
Voalaza fa ankizy eo amin'ny dimy ka hatramin'ny enin-taona eo ny enina tamin'ireo namoy ny ainy.
 

Nirina Rakotoson
Date : 29-07-2008

L'express de madagascar

 

Araky ny voalaza io izany dia fiara mpitondra entana no nitondra mpandeha ary izay no niaran-doza.Hita fa tena tsy nisy mihitsy fitandremana ary ny loza moa tsy hay mialoha ka raha tsy efa mitranga izay vao hita ny tsininy tamin'ny tsy fanaranhan-dalana.
Ireo mpandeha no tena voa mafy namoy ny ainy tsy fidiny.
Mirary fiononana ho an'ny fianakavian'ireo namoy ny ainy.

 

Nodimandry anio maraina Ingahy Herizo RAZAFIMAHALEO

ravatorano | 25 Jolay, 2008 08:07

Nodimandry anio maraina  ny Filoha Mpitarika ny Antoko Leader Fanilo izay Andriamatoa Razafimahaleo Herizo .Raha tsiahivina dia efa narary izy ary natao dialyse teny amin'ny Clinique Ilafy.Noho'ny fiombon'ny aretina nefa dia tafiditra atamin'ny "etat comateux" izy alohan'izao fahafatesany izao.
Mirary fiononana ho an'ny fianakaviany sy ny Antoko leader Fanilo .

le milieu du sport automobile est en deuil

ravatorano | 25 Jolay, 2008 06:54

Quatre membres du club du rallye automobile FMMSAM(Firaisan'ny Malagasy Mpanao Spaoro aotomobilina sy Moto): Gaston Ramaroson le S.G du club,Rarivoheriniana(Rivokely le co-pilote de Laza dernier vainqueur du rallye SRK du 12/07/2008),Alain Sam pilote (frère de Papale)et John Rahamefy ancien pilote et membre du staff du club.

Ils ont raté un virage avant à l’approche d’un pont à la sortie d'Ilempona et s'est immergé dans le fleuve avec leur voiture 4x4.Les quatre disparus deux pilotes et deux officiels du club avaient entamé pour le compte du club un road-book ou la reconnaissance du parcours pour Antanifotsy.

Notons également que Gaston Ramaroson est le frère d'Alain Ramaroson ancien ministre du Commerce sous l'égide de Mr Zafy Albert.

Tsy ho ela intsony dia ho hita izay hatao amin' ireo zaza siamois malagasy vao teraka farany teo !

ravatorano | 19 Jolay, 2008 08:39

ImageIray volana anio ny nahaterahan’i Mahalatsa sy Mahagaga, ireo zaza kambana miraikitra kibo avy any Amboasary atsimo, teraka tamin’ny 19 jona 2008. Mihamahazo aina ankehitriny izy roalahy satria efa nahatratra 4kg omaly ny lanjan’izy roalahy mitambatra, tao amin’ny « Pavillon Ste-Fleur », araka ny nambaran’ny Pr Andriamanarivo Mamy Lalatiana taminay. Tsahivina fa 2,8kg monja ny lanjan’izy ireo tamin’ny tonga teto Antananarivo.
Amin’ny herinandro ambony dia hidinika ny amin’ny hirosoana amin’ny fitarafana azy ireo amin’ny « scanner » ireo mpitsabo, raha ny “échographie” no efa vita, andro vitsy taorian’ny nahatongavan-dry zareo teny amin’ny HJRA. Antony nanemorana ny fotoana handinihana akaiky ny momba azy ireo (taova iraisana raha misy sns) ny lanjany kely loatra sy noho izy ireo marefo.
 Mikasika ilay zokin’izy ireo lahy 3 taona, dia mbola tsy mahamaika an-dRtoa Anjaramena, reniny ny hampiakarana azy aty an-dRenivohitra avy any Amboasary atsimo noho ny toetr’andro tsy mitovy, hoy ny senatera Kaleta. Mangatsiaka eto afovoan-tany amin’izao fotoana izao ary mety hanahirana ilay zaza. Tsy milaza anefa izany fa hisaraka maharitra amin-dreniny ity zaza ity.
Voalazan’ny mpitsabo mantsy fa any amin’ny faherintaonany any ho any ireto kambana ireto vao mety hodidiana. Izany hoe hijanona eto Antananarivo mandritra ny herintaona mahery izy telo mianaka miaraka amin’ny renibeny. Mbola hampiakarina araka izany ilay zokiny fa ny fotoana no mbola tsy fantatra.

nosoratan'i


Jocelyne Randrianary

nalaina tao amin'ny

gazetiko

nivoaka ny

19/07/2008

Ravan'ny 15 Maki Malagasy ny Zebres avy atsy Botswanais teo amin'ny lalao rugby tamin'ny asabotsy lasa teo tetsy mahamasina

ravatorano | 14 Jolay, 2008 05:07

Resin'ny 15 Maki Malagasy tamin'ny isa mavesatra ny Zebre Botsowanais omaly raha nifandona teo Mahamasina ry zareo tamin'ny sabotsy lasa teo ary tamin'ny isa 45 nohon'ny 15 izany !
Hita fa niova tokoa ny fomba filalaon'ny Maki tamin ity indray mitoraka ity.Na ny mpilalao aza dia niova koa satria nampiditra ireo mpilalao vaventy toa andry Douglas sy ry Ibrahim ry zareo teo amin'ny lohalaharana na ny "avant".
Ary dia mbola tamin ity lalao ity koa no nahitana baolina nentitanana ka ny avant ireo goavan no nahavita izany .Io baolina io dia nentin'i Ibrahim ary nofaranan'i douglas tamin'ny tanjaka be mihitsy.Tena nilay ny nahita izany satria sambany hoy aho.
Ny gazety miseho isan'andro nivoaka androany dia inoako fa hilaza sy hitantatara io vokatra io.
Ny nahatonfa ny baolina enti tanana na essai moa dia ry Ibrahim,Bienvenu(Bien),Edgar(Douglas),Sidonie(Biby),ary tsy adino ny mpitsara baolina dia i José.
Nahazo bonus isika malafasy satria nahavita essai nihoatra ny efatra ary isika izao no voalohany ao amin'ny goupe misy an i Botswana,Ouganda ary Madagasikara.
Any Ouganda indray ny fihaonana manaraka amin'ny volana aogositra ho avy izao ary mila manao sahala isika dia afaka hilalao ny dingana manaraka indray amin'ny fifanintsanana amin'ny CAN sy ny coupe du monde ho avy izao.
Misaotra ny mpijery tonga marobe nanohana ny ekipa, misaotra ny mpilalao nitondra fandresena ary koa ny mpanazatra ,misaotra ny mpanohana rehetra ihany koa e !
Ho ela velona anie ny Maki Malagasy
 
Accessible and Valid XHTML 1.0 Strict and CSS
Powered by LifeType - Design by BalearWeb